新手置業親身經歷！無父幹又如何ಠ౪ಠ

係2020年準備結婚既同時當然要搵埋個安樂居啦～受疫情影響樓價都有輕微回落，斷斷續續睇左一年樓後，猶豫要租定買既時候終於係天時地利人和既情況下買左樓！以下就結合左我買樓既過程同經歷，好鬼長，希望比各位準業主一個參考( ͡° ͜ʖ ͡°)

１）搵按揭經紀幫你計下條數先！

第一步係要計算好手頭上首期比到幾多錢，同埋你月薪可以向銀行借幾多錢，根據budget去睇樓。除左首期要樓價既一成外，你必須要比既仲有地產經紀佣金、律師費、按揭保險、印花稅。而除非你好有錢唔使同銀行借按揭，否則你一定要先問清楚你過唔過到壓力測試，如果唔係分分鐘係比左首期之後要撻訂，捐失幾十萬架！

假設你要買650萬既樓，做九成按，你就要準備65萬首期、6萬5千蚊經紀佣金(可議)、律師費約1萬、首次置業印花稅23萬、按揭保險約29萬，加加埋埋都成110萬左右！其中按揭保險可以向銀行借埋，亦通常會有六成或七成折扣，而做八成按的話按揭保就只需13萬左右。

至於壓力測試就要你同你擔保人加埋每月固定收入達$55,359，如果你既月薪包含佣金同津貼呢類非固定收入，

四季薈My Seasons — 終於擺到酒啦！

經歷左兩次改期之後，我終於係原定日子既半年後擺到酒啦ヽ(●´∀`●)ﾉ

有睇我上兩篇講四季薈結婚文既朋友都知，我對四季薈既收費同服務都唔算好滿意或者好推薦，未睇既朋友可以睇返～

婚展初體驗—四季薈 My Seasons 擺酒抵唔抵？

四季薈My Seasons 一條龍結婚服務—試婚紗

不過呢篇係擺完酒之後打既文，我可以好肯定同好大力咁推薦你係四季薈擺酒！

感恩有好天氣

四季薈My Seasons 一條龍結婚服務—試婚紗

 上一篇同大家講完係四季薈 My Seasons 擺酒抵唔抵？，主要就介紹左一條龍服務包啲乜，呢篇就講下試婚紗同試妝啦。

四季薈包既婚紗都係旗下My Wedding出品，My Wedding除左有婚紗之外仲有化妝Set頭，影Pre-Wedding同婚禮拍攝既服務。我一條龍服務入面只係唔包Pre-Wedding，老實講，睇佢地攝影啲相真係一啲都唔吸引，包括package有既婚禮拍攝。如果好著重照片質素，我就建議都係出去搵過啦！

講返試妝髮同婚紗，當日我一次過做哂，基本上當日個LOOK就出哂黎啦(*´∀`)~♥　先試妝髮，妝同頭都係好平平無奇，因為你冇得揀佢地邊個化妝師，就算再試都好有可能係咁上下。如果唔係一條龍既話我就真係唔會選擇，而家唯有揀啲唔好咁複雜既髮型啦。

打到呢到我都好無奈，一條龍既局限真係好大，建議好在意，或者好重視婚禮一切既人真係唔好貪方便揀一條龍服務。誇張啲講，你唔會得到一個好完美既婚禮。