經歷左兩次改期之後，我終於係原定日子既半年後擺到酒啦ヽ(●´∀`●)ﾉ
有睇我上兩篇講四季薈結婚文既朋友都知，我對四季薈既收費同服務都唔算好滿意或者好推薦，未睇既朋友可以睇返～
不過呢篇係擺完酒之後打既文，我可以好肯定同好大力咁推薦你係四季薈擺酒！
 |
| 感恩有好天氣 |
2021/6/19
2021/1/17
四季薈My Seasons 一條龍結婚服務—試婚紗
上一篇同大家講完係四季薈 My Seasons 擺酒抵唔抵？，主要就介紹左一條龍服務包啲乜，呢篇就講下試婚紗同試妝啦。
四季薈包既婚紗都係旗下My Wedding出品，My Wedding除左有婚紗之外仲有化妝Set頭，影Pre-Wedding同婚禮拍攝既服務。我一條龍服務入面只係唔包Pre-Wedding，老實講，睇佢地攝影啲相真係一啲都唔吸引，包括package有既婚禮拍攝。如果好著重照片質素，我就建議都係出去搵過啦！
講返試妝髮同婚紗，當日我一次過做哂，基本上當日個LOOK就出哂黎啦(*´∀`)~♥ 先試妝髮，妝同頭都係好平平無奇，因為你冇得揀佢地邊個化妝師，就算再試都好有可能係咁上下。如果唔係一條龍既話我就真係唔會選擇，而家唯有揀啲唔好咁複雜既髮型啦。
打到呢到我都好無奈，一條龍既局限真係好大，建議好在意，或者好重視婚禮一切既人真係唔好貪方便揀一條龍服務。誇張啲講，你唔會得到一個好完美既婚禮。
2020/6/28
婚展初體驗—四季薈 My Seasons 擺酒抵唔抵？
事先聲明我冇收任何贊助，純分享
好遺憾，因為疫情關係我既婚禮都要延期。四季薈延期唔會額外收費，不過日期就要改到２個月內，而由於我地簽紙都會改期既關係，比政府個580蚊亦都要再交過。比起其他要改期既新人黎講，因為四季薈係一條龍服務，所以我地基本上只係通知親朋戚友就可以。
E Max婚展有兩層，分別係三樓同六樓，我地要換入場卷所以都係去六樓先。
訂閱：
文章 (Atom)