香港脫毛有好多選擇，大至連鎖美容院，小至屋邨商場既美容院都可以做到激光脫毛。不過質素參差，仲分分鐘肉隨砧板上比人狂SELL，比錢買難受。而我就試過兩間激光脫毛，Lumiere同Beauskin。
點解我唔揀Dermes？
初初講到專業脫毛一定首選Dermes，因為佢部755nm脫毛機係行內數一數二，不過就好貴。就算免費試做都好，激光脫毛並唔係一兩次就完成既事，Dermes淨係脫腋下都可能要用成萬蚊。第二個原因係佢十分Hardsell，有朋友去做腋下，每次去都會說服你脫埋唇毛，手腳等；我有位朋友比佢地說服到脫埋面毛同背部，加加埋埋都消費左十幾萬。
