係2020年準備結婚既同時當然要搵埋個安樂居啦～受疫情影響樓價都有輕微回落，斷斷續續睇左一年樓後，猶豫要租定買既時候終於係天時地利人和既情況下買左樓！以下就結合左我買樓既過程同經歷，好鬼長，希望比各位準業主一個參考( ͡° ͜ʖ ͡°)
１）搵按揭經紀幫你計下條數先！
第一步係要計算好手頭上首期比到幾多錢，同埋你月薪可以向銀行借幾多錢，根據budget去睇樓。除左首期要樓價既一成外，你必須要比既仲有地產經紀佣金、律師費、按揭保險、印花稅。而除非你好有錢唔使同銀行借按揭，否則你一定要先問清楚你過唔過到壓力測試，如果唔係分分鐘係比左首期之後要撻訂，捐失幾十萬架！
假設你要買650萬既樓，做九成按，你就要準備65萬首期、6萬5千蚊經紀佣金(可議)、律師費約1萬、首次置業印花稅23萬、按揭保險約29萬，加加埋埋都成110萬左右！其中按揭保險可以向銀行借埋，亦通常會有六成或七成折扣，而做八成按的話按揭保就只需13萬左右。
至於壓力測試就要你同你擔保人加埋每月固定收入達$55,359，如果你既月薪包含佣金同津貼呢類非固定收入，