點解我唔揀Dermes？
初初講到專業脫毛一定首選Dermes，因為佢部755nm脫毛機係行內數一數二，不過就好貴。就算免費試做都好，激光脫毛並唔係一兩次就完成既事，Dermes淨係脫腋下都可能要用成萬蚊。第二個原因係佢十分Hardsell，有朋友去做腋下，每次去都會說服你脫埋唇毛，手腳等；我有位朋友比佢地說服到脫埋面毛同背部，加加埋埋都消費左十幾萬。時代唔同，部755nm脫毛機已經有好多美容院入手，大家多左好多選擇。我係第一次脫毛前做足功課，揀左評價好，價錢相宜既Lumiere。
Lumiere永久保養激光脫毛—腋下
2016年5月，我係銅鑼灣分店以$999既優惠脫腋下，第一次去會比你做問卷，了解下身體狀況適唔適合脫毛，不過實則就係想睇下你仲有冇其他部位想脫。之後就會有位sales同你入房收錢同介紹返部機，其實就係狂Sell你。事實上我的確想脫埋手腳，但係價錢折左之後每個部位都要萬幾蚊，我當然唔join。不過Jessica係唔會咁易放棄，仲問埋我有冇男朋友，話男仔唔鍾意女仔咁多毛。我覺得一個sales不斷貶低客人呢個舉動實在太令人反感，所以更加唔會join。唔想join一定要企硬，慶幸個次之後就冇人再sell，而其他人既服務態度都唔錯。
講返Lumiere既脫毛效果，十分我會比足十分！佢部機有冷卻效果，即係你唔需要脫完搽gel去冷凍，過程五分鐘一定完成哂。我做了七次，到2017年3月就唔需要再做了，效果好好十分持久，到而家2018年12月都只係半年左右先有一兩條毛毛生出黎。
2020年6月更新
話說2019年年中發覺右邊腋下生返毛毛，生出黎既唔係好粗好硬既毛毛，而係大概三四條好幼既毛。所以事隔兩年半我就再打電話去Lumiere預約脫毛，過程完全冇問題。12月去脫完一次之後諗住唔使再約，不過過左2,3個月其實又係有四五條毛毛生返出黎，最長個條都有成4cm長，不過疫情關係我都冇特登去預約再脫，呢個夏天自己剃左佢先，希望剃左就冇啦！
Beauskin一折脫毛
我當時2016年8月係九龍灣分店join，脫前手臂同小腿只需3400蚊再加200蚊捐款，共3600蚊。收錢時都要入房仔介紹返部755nm機，但佢只係會問一句「有冇其他部位需要脫？」就唔會再hardsell，感覺非常良好。
Beauskin服務越做越好，等侯時仲有香蕉食有野飲。
不過脫毛效果就冇Lumiere咁好，係頭幾次之後生返出黎既毛好幼細好短，但而家2018年12月脫第16次仍然未完全清哂要Keep住返去。雖然Beauskin話個度數已經開得大，但就一啲都唔痛，反而係Lumiere就覺得痛，唔知關唔關事呢。
2020年6月更新
Beauskin永久保養激光脫毛—小腿及前手臂
係Lumiere只係做左腋下永久激光脫毛，但我手腳既毛髮都有點多，有日就係Facebook見到Beauskin 1折脫毛既優惠，絕不推銷！而且留言又真係一致讚好，就Whatsapp約時間做啦，佢收費十分清楚，另外規定每一個部位就要捐100蚊比「救狗之家」，全身就捐400蚊。Beauskin一折脫毛
我當時2016年8月係九龍灣分店join，脫前手臂同小腿只需3400蚊再加200蚊捐款，共3600蚊。收錢時都要入房仔介紹返部755nm機，但佢只係會問一句「有冇其他部位需要脫？」就唔會再hardsell，感覺非常良好。
Beauskin服務越做越好，等侯時仲有香蕉食有野飲。
不過脫毛效果就冇Lumiere咁好，係頭幾次之後生返出黎既毛好幼細好短，但而家2018年12月脫第16次仍然未完全清哂要Keep住返去。雖然Beauskin話個度數已經開得大，但就一啲都唔痛，反而係Lumiere就覺得痛，唔知關唔關事呢。
2020年6月更新
之前18年12月個陣已經脫左16次，後來我都冇再記低係第幾次脫，不過疲情關係我19年12月脫完之後就冇再脫啦。經過將近二十次既脫毛之後，我小腿既情況係比手臂好，手臂生出黎既毛雖然都係好幼細，但數量係比小腿多，所以疫情之後我都係要繼續約返Beauskin脫毛架！
永久激光脫毛真係好方便，一勞永逸，岩哂又貪靚又懶既人呀～Beauskin同Lumiere相比服務優勝，不過脫毛效果就Lumiere好得多，兩間分店都越開越多，各位可以一試！
沒有留言:
張貼留言