檳城超詳盡美食指南 2018 ．薯Blog

今次去檳城的行程除了食還是食！雖然是四日三夜，但其實頭尾兩日都在飛機上，只有兩日可以食，幸好該去的都有去，喬治城、新關仔角同峇都丁宜都有好多美食～真係好好味呀 (′▽‵)′▽‵)

除了酒店叫的Room Service，我地第一餐就是位於牛干冬街的伍秀澤海南雞飯。我地要左一半白雞一半燒雞～配湯同大大碟雞油飯，記住係檳城坐低食飯一定要叫飲品架！

白雞好滑燒雞好香，個湯冇味精，好高水準。一份海南雞飯RM5，即10蚊港紙咋！超值 (*´∀`)~♥

行前兩步好快到汕頭街，係新月宮茶室見到有人排隊食豬腸粉，雖然飽都要食，兩條豬腸粉RM2。外賣包裝好得意，醬汁同香港十分唔同，比較似甜甜的XO醬，豬腸粉比香港既煙韌QQ很多，好鍾意 (*´∀`)~♥

行下光大行下姓周橋再影下壁畫就返回汕頭街食四大天王權記鴨粥粿汁啦 (*´∀`)~♥♥♥ 成個行程最期待的美食～六點已經好多人排隊啦！細碗RM7.5，普通RM9.5，大碗RM11.5，加料另計。

早上GRAB的司機叔叔話權記會好飽肚，所以我地要一碗大再加鴨肉（另加RM10）。坐係同老友記糖水共用的鋪位，記住叫飲品。權記鴨粥粿汁真係好好好好味呀 (*´∀`)~♥♥♥ 湯底極濃，內臟好入味，粿條好煙韌～正！

食完的確好飽，見隔離有人買埋四大天王之一的雞腳入去食，但我食唔落啦～去光大按下腳同去超市掃貨，因為我地之後唔會再黎喬治城啦～十點零消化左又去汕頭街，夜晚榴槤車出沒了，不過司機叔叔話榴槤已經水尾，好食的要好貴呢，所以冇試了。

去返新月宮茶室買炒粿條同蠔餅，可惜沙嗲已經收爐了 (〒︿〒) 另外見到權記都收左爐，要食美食唔可以太遲去呀！

第二日去Gurney Plaza同Gurney Paragon，首先去Gurney Plaza的B1層，有好多異國美食，不過我地仲未食到亞參喇沙和蝦麵，所以隨便入左間叫Teochew Chendol，兩碗加埋RM19.7，不過不失。

食飽行行超市睇下琴晚有冇買貴到 (〃∀〃) 打算行去Paragon時見到原來地下有好多外國餐廳，重點係有星乃珈琲店呀 (✪ω✪) 價錢好吸引～可惜我已經好飽而且要留肚食新關仔角夜市呀 (〒︿〒)

係Paragon行下，到四點半就行去新關仔角夜市啦～都係岩岩開緊鋪咋！但竟然有唔少人已經食緊，好多當地人係到食啲一串串炸物然後淋啲汁上去既野。我就集中搵沙嗲，可惜佢地仲串緊咋，唯有食個炒粿條，熱辣辣好味(*´∀`)~♥

係呢到你只要搵個位坐低叫野飲，再買其他野食過黎就得架啦！我地揀左飲椰青，可惜佢酸呀失望。咁早黎有個好處，人少少滿場跑都得！幣在鋪頭未開呢～同埋熱到傻呀！

我同薯生係香港未食過莆田，見Paragon有就決定試下，去完新關仔角返黎六點未夠莆田已經好多人啦！價錢係平過香港既，檯上濕紙巾要收錢架，冇用埋單時可以扣返錢，真係新加坡STYLEㅍ_ㅍ

圖中四樣野加埋一位既鹵麵埋單RM86，同埋發現莆田唔太岩我地口味 (〃∀〃) 哈哈都係去峇都丁宜搵街邊檔食啦我地 (✪ω✪)

係新關仔角入峇都丁宜條路塞得好嚴重，差唔多成個鐘先到，去到長園美食中心（Long Beach Cafe）超級多人！不過好多野食～可惜想食既沙嗲要等90分鐘，我地只好離開～值得一提係呢到個廁所係人流咁多既地方依然好乾淨 (〃∀〃)

行前多幾步有另一美食中心，比較多當地人聚集，大概係因為遊客已經迫爆左長園～呢到既野食比較偏門，好多都唔吸引，好在有沙嗲 (✪ω✪) 朝思暮想既沙嗲 (✪ω✪) RM10有10串雞，RM12有10串牛，好食好食 (*´∀`)~♥♥♥　野飲唔好飲奶茶呀好淡，飲青檸梳打啦 (〃∀〃)

KFC要留返係機場先食，埋個靚尾，影低好求其(〃∀〃)(〃∀〃)(〃∀〃)

檳城真係好多美食，仲要平靚正(〃∀〃)　完全唔夠食呀！淨係為左呢啲美食已經值得再去檳城(*´∀`)~♥　睇返都好肚餓呀！有咩檳城美食我冇講，麻煩你同我分享下等我下次去試呀(*´∀`)~♥

延伸閱讀：

檳城食食食！四天三夜自由行懶人包

薯Blog