雖然酒店位置跟機場一北一南，但卻在喬治城同峇都丁宜之間，去兩個地方也方便，加上檳城有Grab就更方便了。而且酒店很近MIAMI BEACH，酒店甚至有天橋可以直達MIAMI BEACH (,,・ω・,,)
當晚到達檳城已經快晚上八點，加上我地選擇了機場巴士102，到酒店時已經晚上十點多了！我地五點幾食了飛機餐之後就冇食過野啦( ×ω× )好肚餓，不過酒店附近兩間餐廳要行落MIAMI BEACH，我地已經好攰無謂拎住個喼行上行落，好在CHECK-IN時送了兩塊曲奇餅，即刻鯨吞呀！酒店大堂好靚好大好乾淨，前台人員有禮貌。
房間普普通通，沒有海景沒有浴缸都是意料之事，房間不大不過乾淨整理應有盡有，最驚喜是廁所用品全為Crabtree & Evelyn，每天TOP UP，不過就沒有梳跟剃鬚刀。
好餓好餓，薯太人生第一次叫Room Service，價錢同香港餐廳食飯差不多，串燒RM45有12串（3雞3羊3牛），好食，肉醬意粉RM28就一般般。結果第二日出街食野才知道Room Service好貴哈哈～
除了佢地既習性有問題之外，最重要既問題當然是酒店隔音好差，房門邊甚至透到走廊光入房。而且下圖看到酒店設計會十分應聲，基本上你在地下對上叫係聽得好清楚。好好彩佢地第二朝九點半就走，點解我知？因為佢地又係成班人行黎行去係走廊叫黎叫去開門閂門囉。
我地套票沒有包早餐，要加好貴所以冇加到，反正檳城美食又多又平，緊係出去食啦。上面提過酒店有天橋去MIAMI BEACH，就在泳池隔離。
但由於天色不太好，個沙灘睇落唔吸引，所以冇落到去～
酒店泳池有小朋友嬉水池，大人池不深只有1.2 m ，側邊有啲沙扮沙灘，搞到個泳池入面都有沙呢。
另外檳城既Teddy Ville Museum就坐落於酒店內，酒店住客享有九折優惠，接待處仲有隻叫Cookies既熊啤啤公仔著住酒店制服企係到。
另外晚上會有樂隊現場表演。
總結，如果唔係第一晚對面房咁嘈，其實呢間酒店都可以接受。缺點係地點實在太偏僻，在酒店Call Grab出去有時要Call幾次才有，而檳城塞車問題都幾嚴重，所以盡量唔好搭黎搭去了～下次再去檳城我會推薦揀返喬治城個邊，美食雲集，加上個人認為峇都丁宜唔太值得去。
延伸閱讀：
沒有留言:
張貼留言