婚展初體驗—四季薈 My Seasons 擺酒抵唔抵？

事先聲明我冇收任何贊助，純分享

好遺憾，因為疫情關係我既婚禮都要延期。四季薈延期唔會額外收費，不過日期就要改到２個月內，而由於我地簽紙都會改期既關係，比政府個580蚊亦都要再交過。比起其他要改期既新人黎講，因為四季薈係一條龍服務，所以我地基本上只係通知親朋戚友就可以。

新一篇出左啦～！試婚紗篇！

終於擺到酒啦！

一月頭係黃大仙擇完日之後我地同日即刻就去九龍灣E Max既婚展，婚展入場卷方面千祈唔使比錢買，因為官網都有得免費飛拎！網頁最底有個著數優惠，禁入去填少少資料就會收到E-mail，到時去Counter出示E-mail就可以換到入場卷架啦(*´∀`)~♥

E Max婚展有兩層，分別係三樓同六樓，我地要換入場卷所以都係去六樓先。