物理防曬推薦︳Anessa保濕低敏UV乳液

真心推介　絕非廣告

我皮膚由中學開始已經唔算好，畢左業出左黎做野之後更加係暗瘡不絕，呢個情況係兩年前得到改善(*´▽`*)　而我亦十分好彩皮膚無再出現任何問題，但就令到我唔敢隨便試護膚品，搽上臉既護膚品我盡量都減到最少。

2017年4月

2019年12月

護膚品可以少，防曬千祈唔可以少！無論春夏秋冬，好天落雨都會有紫外線，只係強弱既分別。過量既紫外線會催生皺紋，導致皮膚提早老化，毛孔過大。一支好既防曬可以保護你既皮膚，減低紫外線對你既傷害。

我本來一直用開Biore既AQUA Rich 防水防曨，貪佢平又唔會痴笠笠，用左雖然冇敏感但又唔覺得保護到皮膚。

相信唔少小資女同學生都係用呢隻防曬

係夏天開始個排係網上睇到關於物理防曬同化學防曬既分別，物理性防曬的原理是利用成分顆粒隔絕紫外線，化學性防曬就是藉由防曬用品中的防曬成分，將紫外線的能量吸收，然後轉化為熱量釋放出來。

兩者冇話邊個好啲，只係視乎邊隻適合你。物理性防曬會笠啲，但不會被皮膚吸收，化學性防曬會清爽啲，但因為皮膚會吸收所以有啲人反而會生粒粒甚至敏感！我都係個陣先知生粒粒未必關樣產品油唔油事架(☉д⊙)　

睇過無數Youtuber既分析推介之後，我揀左屬於物理防曬既ANESSA保濕低敏UV乳液ヽ(✿ﾟ▽ﾟ)ノ雖然我唔知自己算唔算敏感肌，但見佢話一歲以上幼兒都可以使用，相信成份都好安全。官方聲稱絕無酒精、防腐劑PARABEN、鑛物油、香料及色素，蘊含透明質酸，仲防水防汗。因為我係日常使用，所以揀SPF35已經足夠。同系列有SPF50揀，去戶外都冇問題！

雖然大家都話物理性防曬會笠，但實際用後覺得佢既油唔係痴笠笠，反而真係似搽完乳液既滑。而且完全冇泛白，仲可以當妝前乳咁用！有次連續幾日唔記得搽佢就出街，即使只係返工個一個鐘，都覺得毛孔大左，所以一支好既防曬真係好重要！